2022 оны 8-р сарын 3 дугаар арав хоногийн цаг агаарын байдал, хөдөө аж ахуйд хэрхэн нөлөөлсөн тухай тойм

2022 оны 8-р сарын 3 дугаар арав хоногийн цаг агаарын байдал, хөдөө аж ахуйд хэрхэн нөлөөлсөн тухай тойм

2022-09-01                                                                                                                         Есөнбулаг сум

10 хоногийн тойм бичвэр: Говь-Алтай аймгийн нутгаар 2022 оны 8-р сарын гуравдугаар арав хоногийн байдлаар агаарын дундаж температур Алтайн өвөр говиор  18.6-19.8 градус дулаан, бусад сумуудад 9.9-16.8 градус дулаан байлаа. Агаарын хамгийн их температур Баянтооройд 30, Шаргад 29, Алтайд 28, Бигэрт 27, Халиунд 26, Хөхморьтод 25, бусад сумуудад 20-24 градус дулаан байлаа.

Агаарын хамгийн бага температур Бигэр, Тоорой, Алтайд 8,  Шаргад 7, Халиунд 6, бусад сумуудад 1-5 градус дулаан байлаа.

Хөрсний гадаргын дундаж температур Хүйс, Шарга, Бигэрийн говь хоолой, Алтайн өвөр говиор 24-28 градус дулаан, бусад нутгаар 16-22 градус дулаан байлаа. Хөрсний гадаргын хамгийн их температур Тооройд 58, Алтайд 56, Цээлд 53, бусад нутгаар 45-52 градус дулаан байлаа.

Хөрсний гадаргын хамгийн бага температур Алтай, Бигэрт 7, Тоорой, Шаргад 6, Хөхморьтод 3, бусад сумуудад 0-2 градус дулаан байлаа.

Хур тунадасны хувьд энэ арав хоногт ихэнх нутгийг хамарсан ба Эрдэнэд 11.0 мм, Есөнбулагт 10.6 мм, Бигэрт 9.0 мм, Хөхморьтод 8.9 мм, Цогтод 8.4 мм, Даривт 8.1 мм, Баян-Уулд 6.7 мм, Халиунд 6.2 мм, Гуулин тосгон, Дэлгэрт 5.4 мм, Тооройд 4.2 мм, Чандманьд 4.1 мм, Жаргаланд 3.6 мм, Шаргад 2.0 мм, Бугат, Тонхилд 1.4 мм, Тайширт 1.1 мм, Алтайд 0.2 мм хур тунадас орсон байна. Харин Цээлд хур тунадас ороогүй байна.Салхины хамгийн их хурд Тонхилд 23 м/с, Бугатад 22 м/с, Есөнбулаг, Бигэр, Шаргад 20 м/с, бусад сумуудад 9-17 м/с хүрч шороон шуурга шуурсан байна. Нийт нутгаар 10 м/с-ээс дээш салхитай өдрийн тоо 1-10 өдөр байлаа.

Малын усан хангамж: Малын усан хангамж дунд зэрэг.

Малын тарга хүч: Малын тарга хүч дунд зэрэг байна.  

Ургацын мэдээ: Ургацын мэдээг авч үзвэл 0.0-3.0 ц/га ургацтай байна.

Ургамлын мэдээ: Говь-Алтай аймгийн нийт нутгаар бэлчээрийн ургамлын ажиглалтын талбайд ургамал үрийн боловсролт, хаталт хагдралтын үе шат ажиглагдаж байна.

Говь-Алтай аймгийн бэлчээрийн ургамлын ургалтын байдал 2022 оны 8 дугаар сарын 30-ны байдлаар нийт нутгийн 18.4 хувьд зуншлага сайн буюу Баян-Уул, Бигэр, Жаргалан сумуудад ургалт сайн, 50.0 хувьд зуншлага дунд буюу Шарга, Есөнбулаг, Алтай, Хөхморьт, Тоорой тосгон, Гуулин, Дарив, Цогт, Төгрөг, Чандмань, Эрдэнэ сумуудад ургалт удааширалтай байна. Харин 31.6 хувьд зуншлага муу буюу Халиун, Бугат, Дэлгэр, Тайшир, Цээл, Тонхил сумуудад ургалт муу гарсан байна.

Хянасан: Цаг уурын хэлтсийн дарга                              / Т.Дэлгэрмаа /

        Тойм бичсэн: ХААЦУ хариуцсан ерөнхий технологич ᠮᠡᠰᠢᠭᠳᠣᠷᠵᠢ ᠶᠢᠨ ᠭᠦᠨᠪᠢᠯᠢᠭ  / М.Гүнбилэг /